Saturday, 23 August 2014

ಡೈರಿ ಪುಟ -೫೮


                                 "ಹೇಯ್, ನಾಳೆ ಯುಪಿಎಸ್ಸಿ ಪ್ರಿಲಿಮ್ಸ್ ಎಕ್ಸಾಮ್ ಅಲ್ವಾ ಮಾರಾಯ್ತಿ..??" ರೂಮ್ ಮೇಟ್ ನಿನ್ನೆ ರಾತ್ರಿ ಊಟ ಮುಗಿಸಿ ಮೆಸ್ ನಿಂದ ವಾಪಸ್ಸು ಬರುವಾಗ ಕೇಳಿದಳು.
                                   "ಹಾ, ಹೌದು ನೋಡು. ಅಗಸ್ಟ್ ೨೪ ಅಲ್ವಾ..?? ನೆನಪೇ ಇರ್ಲಿಲ್ಲ." ನಾನು ಆಗ ತಾನೇ ಟ್ಯೂಬ್ ಲೈಟ್ ಹತ್ತಿಕೊಂಡವರಂತೆ ಕಣ್ಣು ಅರಳಿಸುತ್ತಾ ಹೇಳಿದೆ.
                                   "ಎಷ್ಟೆಲ್ಲಾ ಓದ್ಬೇಕಲಾ ಅದ್ಕೆ..?? ಈ ಸಲವಂತೂ ಯುಪಿಎಸ್ಸಿ ಅಭ್ಯರ್ಥಿಗಳಿಗೆ ನೆಮ್ಮದಿಯಿಂದ ಓದಲು ಆಗಲಿಲ್ಲ. ಗೊಂದಲ, ಪ್ರತಿಭಟನೆಗಳ ಮಧ್ಯದಲ್ಲೇ ಎಕ್ಸಾಮ್ ತಯಾರಿ ಮಾಡಬೇಕಾಯಿತು."
                                   "ಹೌದು ಕಣೇ. ವಿಶ್ವದ ಅತೀ ಕಠಿಣ ಪರೀಕ್ಷೆಗಳಲ್ಲೊಂದು ನಮ್ಮ ದೇಶದ ಯುಪಿಎಸ್ಸಿ ಎಕ್ಸಾಮ್. ಅದರಲ್ಲಿ ತೇರ್ಗಡೆಯಾಗಿ ನಾಗರಿಕ ಸೇವೆಯ ಅಧಿಕಾರಿಗಳಾಗಿ ಆಯ್ಕೆಯಾಗುವುದೆಂದರೆ ಸಾಮಾನ್ಯದ ಮಾತಲ್ಲ. ಸರಿಸುಮಾರು ಎಲ್ಲ ವಿಷಯಗಳ ಅಂದರೆ ಕ್ಷೇತ್ರಗಳ ಕುರಿತೂ ಆಳವಾದ ಜ್ಞಾನವಿರಬೇಕು. ಸ್ವತಂತ್ರ ವಿಚಾರಧಾರೆ ಇರಬೇಕು. ಅದಕ್ಕೆ ಎಷ್ಟೆಲ್ಲಾ ಓದಬೇಕು, ತಿಳಿದುಕೊಳ್ಳಬೇಕು. ಅಚಲವಾದ ಶ್ರದ್ಧೆ ಬೇಕು, ಅಪಾರ ಪರಿಶ್ರಮ ಬೇಕು. ಎಲ್ಲರಿಗೂ ಒಮ್ಮೆಲೇ ಯಶಸ್ಸು ಸಿಗುವುದಿಲ್ಲ ಯುಪಿಎಸಿಯಲ್ಲಿ. ಅಕಸ್ಮಾತ್ ಮೊದಲನೇ ಪ್ರಯತ್ನದಲ್ಲಿ ವಿಫಲವಾದೆವೆಂದರೆ ಕುಗ್ಗದೇ ಆತ್ಮವಿಶ್ವಾಸದಿಂದ ಮರಳಿ ಯತ್ನವ ಮಾಡುವಂಥ ಛಲ, ದೃಢ ಮನಸ್ಸು ಬೇಕು. ಇವೆಲ್ಲಾ ಗಂಭೀರ ಸಂಗತಿಗಳು ಲೆಕ್ಕಕ್ಕಿಲ್ಲವೆಂಬಂತೆ ಈ ವರ್ಷ, ಪಾಪ ಅಭ್ಯರ್ಥಿಗಳು ಒಂದು ಬಗೆಯ ಆತಂಕ, ಚಡಪಡಿಕೆಯಲ್ಲೇ ಪ್ರಿಪರೇಷನ್ ಮಾಡಬೇಕಾಯಿತು. ಕೊನೆಪಕ್ಷ ಪರೀಕ್ಷೆಯಾದರೂ ಯಾವುದೇ ವಿವಾದ, ಗೊಂದಲಗಳಿಲ್ಲದೇ ಸುಗಮವಾಗಿ ನಡೆದರೆ ಸಾಕು."
                                  "ಹೌದು. ನಾವಿಬ್ಬರೂ ಆಲ್ ದಿ ಬೆಸ್ಟ್ ಹೇಳಿಬಿಡೋಣ"


No comments:

Post a Comment