Monday, 12 May 2014

ಬೆಂಕಿ


ಕಿಚ್ಚು ಹೆಚ್ಚಾಗಿ ಹೊತ್ತಿ ಉರಿಯಿತಿದೆ
ಭಾವನೆಗಳ ಕೆನ್ನಾಲೆಯಲ್ಲಿ ಜೀವವು
ಎತ್ತ ಕಡೆಯಿಂದಲೂ ಬಿಡಿಸಿಕೊಳ್ಳಲಾರದಂತೆ
ಚಕ್ರವ್ಯೂಹದಲ್ಲಿ ಕಟ್ಟಿ ಹಾಕಿ ಸುಡುತಿವೆ
ಕರಕಲಾಗಿ ಹೋಗುತಿಹೆ ನಾನಿಂದು

ಯಾವಾಗ ಹೇಗೆ ಎಲ್ಲಿ ಹೊತ್ತಿತೋ ತಿಳಿಯೆ
ಯಾವ ಕ್ಷಣದಲ್ಲಿ ನನ್ನ ಮೇಲೆ ಬಿದ್ದಿತೋ ಅರಿಯೆ
ಈಗ ನಾನಾಗಿಹೆ ಜ್ವಾಲೆಗಳಿಗೆ ಬಲಿಪಶು
ಆರಿಸಲೆತ್ನಿಸಿದಷ್ಟೂ ಹೊತ್ತುಕೊಂಡು ಉರಿಯುವವು
ಹೊಗೆಯ ಕಪ್ಪಿನಲ್ಲಿ ಕಳೆದುಹೋಗಿದೆ ನನ್ನ ಕೂಗು

ಬೆಂಕಿ ಶಮನವಾಗುವ ಸೂಚನೆಯೇ ಇಲ್ಲ
ಇನ್ನು ಬೂದಿಯಾಗುವ ವಿಚಾರವೆಲ್ಲಿಯದು..??
ಇನ್ನೆಷ್ಟು ಕಾಲ ಬೇಯಬೇಕಿದೆ ಇಲ್ಲಿ..??
ಒಮ್ಮೆ ಸತ್ತುಹೋದೆನಾದರೂ ಚಿಂತೆಯಿಲ್ಲ
ಮರುಹುಟ್ಟು ಪಡೆದಾಗ ತಂಪು ದೊರಕೀತು


No comments:

Post a Comment