Sunday, 20 April 2014

ದೃಷ್ಟಿ


ಕಣ್ಣುಗಳಲ್ಲಿ ಅರಳಿ ನಿಂತಿಹ
ಕನಸಿನ ಸುಮಗಳ ಚೆಂದಕೆ
ರೆಪ್ಪೆಗಳು ಬಡಿದು ದೃಷ್ಟಿ ತಾಕಿಸುವವೆನೋ..??
ತುಟಿಗಳಲ್ಲಿ ಹೊಮ್ಮುವ ಮಂದಹಾಸಕ್ಕೂ
ವದನದಲ್ಲಿ ಲಾಸ್ಯವಾಡುವ ಲಜ್ಜೆಗೂ
ತಾಕಿದೆಯೇ ಯಾರದೋ ದೃಷ್ಟಿ..??

ಹಗಲಿನ ಎಚ್ಚರದ ಹೊತ್ತಲ್ಲೂ
ರಾತ್ರಿಯ ನಿದ್ರಾಸ್ಥಿತಿಯಲ್ಲೂ ಕೂಡ
ಯಾರೋ ನೆರಳನ್ನೂ ಬಿಡದೇ ಹಿಂಬಾಲಿಸಿದಂತೆ
ಮನದ ಬೀದಿಯಲ್ಲಿ ನಡೆಯುತ್ತಿಹರಲ್ಲ
ಹೃದಯದ ಅರಮನೆಯ ಮೇಲೂ
ಬಿದ್ದಿದೆ ಯಾರದೋ ಕಣ್ಣು ಹಗುರವಾಗಿ

ಯಾರದು..?? ಯಾರ ಮಾಯೆಯಿದು..??
ಯೋಚನೆಗೆ ನಿಲುಕದ ಭಾವಗಳ ಜಾಲವೇ..??
ಹುಡುಕಾಟ ಸುಮ್ಮನೇ ವ್ಯರ್ಥ ಕಾಲಹರಣ
ಕಾದು ಕುಳಿತಿರುವುದೇ ಜಾಣತನ
ದೃಷ್ಟಿ ತಾಕಿಸಿ ಹೋದವ ತಿರುಗಿ ಬರುವನಲ್ಲ
ಇಡಲು ಕಂಡೂ ಕಾಣದಂತೆ ದೃಷ್ಟಿ ಬೊಟ್ಟು


No comments:

Post a Comment