Saturday, 19 April 2014

ನಾನೇ ಏಕೆ..??


ನಗ್ನ ಸತ್ಯಗಳ ಬೆತ್ತಲೆ ಪ್ರಪಂಚವು
ನನಗೆ ಮಾತ್ರವೇ ತೋರುತ್ತಿರುವುದೇಕೆ..??
ಬದುಕೆಂಬ ನಾಟಕಕಕ್ಕೆ ವಿಧಿಯೇ ಸೂತ್ರದಾರನಾದರೆ
ಆ ವಿಧಿಗೆ ನಾನೊಬ್ಬಳೇ ದೊರೆಯಬೇಕೆ...??
ಪ್ರತಿ ಅಂಕಕೂ ಮೂಕ ಪ್ರೇಕ್ಷಕಳಾಗಿ

ಭ್ರಮೆಯ ಹಾದಿಯಲ್ಲಿ ಸುಂದರ ತಿರುವುಗಳನ್ನು
ಸವೆಸುತ್ತಾ ಮಿಥ್ಯದಲ್ಲೇ ಬದುಕುವವರಿಗೆ
ನಾ ಕಂಡ ನಗ್ನ ಸತ್ಯಗಳು ತೋರಬಹುದೇ..??
ನಾನೇ ಹೇಳಿದರೂ ಅರಿಯಬಲ್ಲರೇ..??
ನನಗೆ ಅರಗಿಸಿಕೊಳ್ಳಲಾಗದ ವಿಷವನ್ನು
ಯಾರಾದರೂ ಜೀರ್ಣಿಸಿಕೊಳ್ಳಬಲ್ಲರೇ..??

ಹೇ ಕೃಷ್ಣ, ನನ್ನನ್ನೇಕೆ ಆಯ್ದುಕೊಂಡಿಹೆ ನೀ..??
ಬೇರೆ ಯಾರೂ ದೊರೆಯಲಿಲ್ಲವೇ..??
ಇನ್ನೆಷ್ಟು ದಿನಗಳ ಕಾಲ ವಾಸ್ತವದ ಕಹಿಯನ್ನು
ಉಣಿಸಹೊರಟಿರುವೆ ನನಗೆ ಹೇಳು..??
ನಿನ್ನ ಆಟದಲ್ಲಿ ನನ್ನನ್ನೇಕೆ ಬಲಿಪಶುವಾಗಿಸಿಹೆ..??

ವಾಸ್ತವದಲ್ಲಿಯೂ ಬೆಳಕನ್ನು ಕಾಣುವ ಭಾಗ್ಯ
ಕೊನೆಯವರೆಗೂ ನನ್ನ ಪಾಲಿಗೆ ಮರೀಚಿಕೆಯೇ..??
ನನಗಿಲ್ಲ ನಗ್ನ ಸತ್ಯಗಳ ಜೊತೆ
ಏಗುತ್ತ ಬಾಳುವ ಸ್ಥೈರ್ಯವೂ, ಶಕ್ತಿಯೂ
ಬಿಡುಗಡೆಯ ಭರವಸೆಯೂ ಇಲ್ಲವಾಗಿದೆ


1 comment: