Saturday, 29 March 2014

ಭೀತಿ

             
ಸುಪ್ತ ಸೌರಭದ ಆಳದಿಂದೆಲ್ಲೋ
ಎದ್ದು ಬಂತಂತಿದೆ ಅರಳು ಮಲ್ಲಿಗೆ
ಅರಳುತ್ತಲೇ ಮುದುಡಿಹೋಗುವೆನೆಂಬ
ಆ ಅನಿಶ್ಚಿತತೆಯ ತಲ್ಲಣದ ಹಿಂದೆ
ಅದ್ಯಾವ ಮೋಹದ ಕೈವಾಡವೋ..??

ಮೌನದ ಆ ಅಶರೀರವಾಣಿಯಲ್ಲೂ
ಇಣುಕುವುದು ಅಸ್ಪಷ್ಟ ಮಾತುಗಳು
ಕೇಳಿದರೆ ಕ್ಷೀಣವಾಗುವೆವೆಂಬ ಭಯವೋ..??
ಪ್ರೇಮ ಸಲ್ಲಾಪದ ಸಂಭಾಷಣೆಯ
ಆದಿಯಲ್ಲೇಕೆ ಉಪಾಂತ್ಯದ ಆತಂಕ..??

ಒಲವ ಪಯಣದ ಹಾದಿಯಲ್ಲಿ
ಕಳೆದುಹೋಗುವ ಈ ಅವ್ಯಕ್ತ ಶಂಕೆಯ
ಹಿಂದೆ ಕಂಡು ಕಾಣದಂತೆ ಅಡಗಿದೆ
ತನ್ನಿಂದ ತಾನು ದೂರವಾಗುವೆನೆಂಬ
ಹಿತವಾದ ಧನ್ಯತೆಯ ಭಾವ


No comments:

Post a Comment