Friday, 21 February 2014

ಅಲೆಗಳು



ಮಾತಿಲ್ಲದೇ ಮೂಕವಾಗಿಹ
ಮೌನ ಮನದ ಶರಧಿಯಲ್ಲೂ
ನಿಲ್ಲುತಿಲ್ಲವೇಕೋ ಅಲೆಗಳ ನರ್ತನ
ಬೀಸುವ ಗಾಳಿಯೂ ಇಲ್ಲ
ಪೂರ್ಣ ಚಂದಿರನ ತಂಪೂ ಇಲ್ಲ
ಆದರೇಕೆ ಈ ಬಗೆಯ ಸಮುದ್ರ ಮಥನ

ಮೃದು ಹೃದಯಕೆ ಕರುಣೆಯಿಲ್ಲದೆ
ರೊಚ್ಚಿಗೆದ್ದಂತೆ ಬಡಿಯುವ ಅಲೆಗಳಿಗೆ
ಎಷ್ಟು ಸಲ ತಿಳಿಹೇಳಲಿ ನಾನು
ನಿಮ್ಮನ್ನು ತಾಳಿಕೊಳ್ಳುವಷ್ಟು
ನನಗಿಲ್ಲ ದೃಢತೆ ಮತ್ತು ಶಕ್ತಿ
ಇದನರಿಯುವ ತಾಳ್ಮೆ ನಿಮಗಿಲ್ಲವೇನು

ನಾವು ಬಡಿಯುವುದು ನಿನ್ನ ಒಳಿತಿಗೆನೇ
ನಿನ್ನ ಮನಸಿನ ಕಲ್ಮಶವನ್ನು
ತೊಳೆದು ಶುಭ್ರವಾಗಿಸುವೆವು
ನಿನಗಾಗಬಹುದು ನೋವು ಇಂದು
ಶಾಂತಚಿತ್ತದಿಂದ ಕಾಯುತಿರು
ಮುಂದೆ ಅರಳುವುದು ಸಂತಸದ ಹೂವು


1 comment: