Monday, 9 December 2013

ಹರಾಜು

               
ಹರಾಜಿಗಿದೆ ನನ್ನ ಹೃದಯ
ಬಿಕರಿಯಾಗಲಿ ಕಾಳಸಂತೆಯಲ್ಲಿ
ಸಿಗದಿದ್ದರೂ ಪರವಾಗಿಲ್ಲ ಇನಾಮು
ಮಾರಾಟವಾಗಿ ಹೋಗಲಿ ಚಿಂತೆಯಿಲ್ಲ

ಒಂದೇ ಕಡೆ ನಿಂತು ಹಾಕುವಂತಿಲ್ಲ ಹರಾಜು
ಓಡಾಡಬೇಕು ಪ್ರತಿ ಬೀದಿಗಳಲ್ಲಿ
ಬೀದಿಯ ಗಲ್ಲಿಗಳಲ್ಲಿ ಮೂಲೆಗಳಲ್ಲಿ
ಸಾರಬೇಕು ಎಲ್ಲ ಕಡೆ ಹರಾಜಿನ ಕತೆಯನ್ನು

ಚೂರು ಚೂರಾಗಿಹ ಹೃದಯವು ನನ್ನದು
ಅದನ್ನೆಲ್ಲ ಮರಳಿ ಸರಿಯಾಗಿ ಜೋಡಿಸಬಹುದು
ಅದಕ್ಕೇನು ಬೇಕಿಲ್ಲ ಬಹಳ ಪ್ರಯತ್ನ
ಪ್ರೀತಿಯ ಸೆಲೆ ಬೇಕು, ಸೆಲೆಯ ನೆಲೆ ಬೇಕು

ಖರೀದಿಸುವವನಿಗಿದೆ ಒಂದು ಶರತ್ತು
ಆತ ಅದನ್ನು ಮತ್ತೆ ಮಾರುವಂತಿಲ್ಲ
ಕಾಪಾಡಬೇಕು ಮುಚ್ಚಟೆಯಿಂದ ಆತ
ಕೊನೆ ಉಸಿರಿರುವವರೆಗೂ ಪ್ರತಿ ಕ್ಷಣವೂ


No comments:

Post a Comment