Monday, 23 December 2013

ಎಲ್ಲ ಮುಗಿದ ಮೇಲೆ

ಮನದ ಕೊಳದಲ್ಲಿ ಎದ್ದಿಹ
ಅಶಾಂತತೆಯ ಅಲೆಗಳು
ಮತ್ತೆ ಮತ್ತೆ ಬಡಿಯುತ್ತಿವೆ
ಹೃದಯದ ಕಲ್ಲು ಬಂಡೆಯನ್ನು

ಅಬ್ಬರದಿ ನರ್ತಿಸುತ್ತಿವೆ ತಡೆಯಿಲ್ಲದೆ
ಮರ್ಮವೇನಿದು ತಿಳಿಯದಾಗಿದೆ
ಪ್ರವಾಹ ಮುಗಿದ ಮೇಲೆ
ಇದೇನಿದು ಹೊಸ ಚಂಡಮಾರುತ?

ಹೃದಯವನ್ನು ಚೆಂದ ತೊಳೆದು
ಹೊಸ ಚಿತ್ತಾರವ ಮೂಡಿಸುವುದೋ
ಅಥವಾ ಮಾಸಿ ಹೋಗಿರುವ ಕಲಾಕೃತಿಗೆ
ಹೊಸ ಬಣ್ಣ ಬಳಿಯುವುದೋ

ಬಿಡಿಸಲಾಗದ ಒಗಟೇ ಇದು
ಬಿಟ್ಟು ಬಿಡುವುದೇ ಒಳಿತು
ಎಷ್ಟುರವರೆಗೆ ಇರಬಲ್ಲದು ಏರಿಳಿತ
ಗಾಳಿಯ ವೇಗ ಇರುವ ತನಕವಷ್ಟೆ




2 comments:

  1. This comment has been removed by the author.

    ReplyDelete
  2. ಒಳ್ಳೆಯ ಬರವಣಿಗೆ,
    ಹೀಗೆ ಮುಂದುವರೆಸಿ

    ReplyDelete