Saturday, 14 December 2013

ನೆರಳು

ನಾ ಎಲ್ಲಿ ಹೋದರಲ್ಲಿ
ಅಂದು ಇಂದು ಎಂದೆಂದಿಗೂ
ನನ್ನ ಬೆಂಬತ್ತಿ ಹಿಂಬಾಲಿಸುತ್ತಿದೆ
ನನ್ನದೇ ನೆರಳಿಗಿಂತಲೂ ನಿಷ್ಠೆ  ಹೆಚ್ಚೆಂಬಂತೆ
ಸದಾ ಅಪ್ಪಿಕೊಂಡಿರುವುದು ನನ್ನನ್ನು

ಒಮ್ಮೊಮ್ಮೆ ನನ್ನ ಮುಂದೆ ನಡೆದರೆ
ಇನ್ನೊಮ್ಮೆ ನನ್ನ ಹಿಂದೆ ಸಾಗುವುದು
ಮಗದೊಮ್ಮೆ ಹಂತ ಹಂತವಾಗಿ ಆಕ್ರಮಿಸಿ
ಕೊನೆಯಲ್ಲಿ ನನ್ನನ್ನೇ ಮೆಟ್ಟಿ ನಿಲ್ಲುವುದು
ತಾನೇ ನನ್ನನ್ನು ಆಳುತ್ತಿರುವೆನೆಂಬಂತೆ





ಎಷ್ಟು ಸಲ ಹೇಳಿದರೂ ಕೇಳದು
ಕೈ ಹಿಡಿದು ಬೇಡಿಕೊಂಡರೂ ಬಿಡದು
ನಾ ಹೋಗೆಂದಷ್ಟೂ ಹತ್ತಿರ ಬರುವುದು
ನಗು ನಗುತ್ತ ನನ್ನನ್ನು ಅಣಕಿಸುವುದು
ನೀ ಬಿಟ್ಟರೂ ನಾ ಬಿಡೆನೆಂಬಂತೆ ಕಾಡುವುದು

ಅದು ಬಂಧನಗಳ ನೆರಳು
ನನ್ನವರೆನ್ನುವವರೊಂದಿಗೆ ತಿಳಿಯದೇ ಬೆಸೆದಿಹ
ಪ್ರೀತಿ, ಮಮತೆಗಳ ಭಾವುಕತೆಯ ನೆರಳು
ನನಗಾಗಿ ನನ್ನವರು ಎಂದೂ ಇರುವರೆಂಬ
ನಂಬಿಕೆ, ವಿಶ್ವಾಸಗಳ ದೃಢ ನೆರಳು

ಬಿಡಲಾದೀತೇ ಸಂಬಂಧಗಳನ್ನು?
ಬಿಟ್ಟು ಹೋದೀತು ಹೇಗೆ ನನ್ನ ಈ ನೆರಳು?
ಕಡಿದು ಹೋಗಬಹುದು ಬಂಧಗಳು ಹೆಸರಿಗೆ
ಅಳಿಸಲಾಗದು ಮೂಡಿಸುವ ಚಿತ್ತಾರಗಳನ್ನು
ಇನ್ನು ಬಿಟ್ಟು ಹೋದೀತು ಹೇಗೆ ಈ ನೆರಳು?


4 comments:

  1. hmm,neralu hela pada raashi repeat ajana kantu,adu last paragraph li,baakidella sakhath iddu,thought mast iddu.relationship fallows u :)

    ReplyDelete
  2. ha kela yochanegaloo hage namma bittu hogalaradu

    ReplyDelete